Down sindromea

Ezaugarriak

-Down sindromea duten haurrek, oro har, gainerako haurrek izan ohi dutenaren antzeko garapena izan dute bizitzako lehen urteetan.
-Berezitasun nabarmenak dituzte portaeraren zenbait alderditan. Alderdi horiei dagokienez,berezitasun kualitatiboak dituzte gainerako haurren aldean; hortaz, laguntza berezia eman behar zaie.
-Down sindromea beste arazo batzuekin azaltzen da zenbaitetan, bihotz-malformazioak eta ikusmen nahiz entzumen-defizitak dira arazorik arruntenak.

Zer atzegin zaie, eta zer egiten dute ongi?

-Bestearen pertzepzio emozional egokia dute. Down sindromea duten haurrek enpatia egokia dute, halaber. Izan ere, gaitasun horrek, gizarteratzea bultzatu ez ezik, gainerako haurrekiko nahiz helduekiko harremanak izateko bidea ematen die.
-Imitatzeko trebetasun handia dute.
-Hizkuntzaren ulermen egokia dute; horri ezker ongi moldatzen dira ingurunean eta ongi ulertzen dituzte bertan aurkitutako egoerak.
-Ikusizko pertzepzio eta ikusizko oroimen egokiak dituzte, asoziazioak egiteko, forma desberdinak antzemateko, eginkizun grafikoak burutzeko eta abarrerako modua ematen dietenak.
-Trebatuz gero eta irakatsiz gero, lanarekiko zaletasuna hartu ohi dute.
-Eskuarki, ongi moldatzen dira eskola-ingurunean, jarraipide egokiak eta behar adinako denbora ematen baldin bazaie batik bat.


Zer-nolako eragozpenak dituzte?

-Normalean eragozpenak dituzte hitz egiteko eta gainerako haurrek baino beranduago eskuratzen dute hizkuntza. Hitzezko mintzaira ulertzeko gaitasuna, berriz, adieraztekoa baino askoz hobea da.
-Mugimendu adierazpenari dagokionez, arazoak izaten dituzte motrizitate finean, eskolako hainbat tresna erabiltzerakoan, zenbait trebetasun eskuratzerakoan, hala nola, lortzerakoan eta askatzerakoan, etab. Hori dela eta, trebakuntza habdiagoa behar dute alor horietan.
-Eragozpen handiagoak izaten dituzte entzumenezko oroimen eta pertzepzioan ikusizko pertzepzioan baino, trebeagoak baitira bigarrenean.
-Sarritan, bakarrik lan egiteko eta taldeari adierazitako jarraipideak betetzeko arazoak izaten dituzte.
-Arazoak izan ditzake konzentratzeko edo epe jakin batez arreta jartzeko.


Nola lagun diezaiekegu?

-Ikasgelako iharduera, egoera eta elkarreraginak guztiz aberasgarriak dira Down sindromea duten haurren gizarte-komunikazioa eta ezagutza-alorreko garapena bultzatzeko.
-Emaitza hobeak lortzen dituzte ikaskuntzan, baldin eta:
*Eginkizzuna aurkeztelp ikusizko laguntzak erabiltzen badira,hala nola
grafiak,marrazkiak, seinaleak...
*Hitz egiteaz gain, mintzaira adierazgarriagoa erabiltzen badugu, hau
da, eskuekin keinuak egiten baditugu.
-Laguntzeko, ondokoak konpentsatu behar ditugu:
*Arreta, pertzepzioa eta motibazioa. Horretarako ondoko jarduerak burutu
behar dira: berdinak diren gauzak elkartu (lotoak), sailkatu, berdinak
edo antzekoak direnak hautatu, objektuak eta ekintzak izendatu...
*Autonomia eragiten duten trebetasunak.
*Adierazpen-mintzairaren garapena.
*Mugimenezko trebetasunak.
*Arreta eta kontzentrazio-azturen garapena.
-Esku hartzerako eta laguntzerako jarraipide hauek kontuan hartuta:
*Iharduera ezberdinak prestatu.
*Iharduera laburrak prestatu.
*Gizarte errefortzuak erabili.
*Iharduera betetzerakoan, laguntza eman.
*Materialak egokitu.
*Haurren interesa pizteko askoz, ikusizko errefortzuak erabili behar
ditugu.
*Laguntza fisikoa eman, hitzezko argibideak eman eta eredu gisa agertu
behar dugu zenbait ihardueretan.


Informazio gehigarria

-FLOREZ,J; TRONCOSO, M.V. (1990). Sindrome de Down y educacion. Fundacion S Down
Cantabria. Barcelona: Salvat
-PEREIRA, J. (1987). Sindrome de Down: Programa de Accion Educativa Madrid:
Ciencias de la Educacion Preescolar y Especial.
-GARCIA ESCAMILLA, S. (1988). Sindrome de Down. Avances medicos y psicopedagogicos.
Barceloma: Fundacion Catalana Sindrome de Down.
-HURTADO MURILLO,F.(1993). Estimulacion temprana y sindrome de Down: Programa practico para el lenguaje expresivo en la primera infancia. Valencia: Promolibro.